प्रतियोगितामा एडभान्स ३५ बर्षभन्दा माथिमा नेपालका सीमान्त गुरुङ विजयी भए भने क्विन्सल्याण्डका अनुप गुरुङ उपविजेता बने । इण्टरमिडिएट विधामा क्रमश दक्षिण अस्ट्रेलियाका दीपेश घिमिरे र भिक्टोरियाका भीष्म गौतम विजेता र उपविजेता भए । डबल्समा आएका सीमान्त गुरुङ र भिक्टोरियाका अशोक गुरुङको जोडी विजयी भयो भने क्विन्सल्याण्डका अनुप गुरुङ र भिक्टोरियाका कुमार खत्री उपविजेता बने । विजेता तथा उपविजेतालाई कुल ४ हजार ५ सय अस्ट्रेलियन डलरको पुरस्कार वितरण गरिएको आयोजकले जनाएको छ । 

प्रतियोगितालाई आयोजना गरेको नेप्लिज कम्युनिटी टेनिस क्लबका सचिव भीष्म गौतमले टेनिस खेलको माध्यमबाट विश्वभरि रहेका टेनिस खेलप्रेमीलाई एक स्थानमा ल्याउने र अस्ट्रेलियाका रहेका नेपाली खेलप्रेमीलाई टेनिसप्रति आकर्षित गर्ने उद्देश्य रहेको सुनाए ।