काठमाडौँ — केभीसी हाउन्ड्सले सोमबार हिमालयन जाभा नेसनल बास्केटबल लिग प्रतियोगितामा पहिलो जित निकालेको छ ।

त्रिपुरेश्वरस्थित राखेप कभर्ड हलमा हाउन्ड्सले रोयल स्पोर्ट्सलाई ७६–६४ स्कोरले पराजित गरेको थियो । हाउन्ड्सले पहिलो क्वाटरमा २४–१२ को अग्रता बनायो । दोस्रो क्वाटर २३–१६ ले आफ्नो पक्षमा पार्दै रोयलले खेलमा फर्कने संकेत गरेको थियो । तर, हाउन्ड्सले तेस्रो १७–१५ र चौथो क्वाटर १९–१४ ले आफ्नो पक्षमा पार्दै खेल जितेको हो । लगातार ३ हारपछि पहिलो जित निकालेको हाउन्ड्सले ४ खेलबाट ५ अंक जोडेको छ ।

तेस्रो हार बेहोरेको रोयलले पनि ४ खेलबाट ५ अंक नै जोडेको छ । हाउन्ड्सका सौरभ श्रेष्ठले सर्वाधिक २१ स्कोर गरे । उनी प्लेयर अफ द म्याच घोषित भए ।