काठमाडौँ — एन्जल्स हार्ट र काठमाडौं विद्याकुञ्ज सेकेन्डरी (केभीकेएसएस) ले प्रथम तेजस्वी कप अन्तरविद्यालय बास्केटबल प्रतियोगिताको उपाधि जितेका छन् । शुक्रबार एन्जल्स हार्ट ब्वाइज र केभीकेएसएस गर्ल्समा च्याम्पियन बने ।

आयोजक तेजस्वी एकेडेमीमा भएको ब्वाइजको फाइनलमा एन्जल्स हार्टले ह्वाइट हेभेन एकेडेमीलाई ३७–३३ स्कोरले पराजित गर्‍यो । विजेताका रुपेश पौडेलले २४ स्कोर जोडे । हिमालय बोर्डिङ स्कुलले संस्कृति शिक्षा सदनलाई ४८–२७ ले हराएर तेस्रो स्थान हासिल गर्‍यो । हिमालयका अरुण कार्कीले २३ स्कोर गरे ।

गर्ल्सको फाइनलमा काठमाडौं विद्याकुञ्जले आयोजक तेजस्वीलाई २५–१४ स्कोरले हरायो । विजेताकी मुस्कान मिफोकले ८ स्कोर जोडिन् । तेस्रो स्थानको खेलमा बेलमोन्टले मानसिंहलाई १५–१२ ले हरायो । बेलमोन्टकी क्रिस्टिना घिमिरेले ९ स्कोर गरिन् ।

ब्वाइजमा एन्जल्स हार्टका रुपेश पौडेल र गर्ल्समा केभीकेएसएसकी रोजी श्रेष्ठ ‘मोस्ट भ्यालुएबल प्लेयर’ घोषित भए । ब्वाइजमा ह्वाइट हेभेनका राहुल सुनार रगर्ल्समा बेलमोन्टकी क्रिस्टिना घिमिरे उत्कृष्ट ‘थ्री प्वाइन्टर’ चुनिए ।