काठमाडौँ — प्रथम मातृभूमि टी–१० अन्तरविद्यालय यू–१४ क्रिकेट प्रतियोगिताको बुधबार उद्घाटन भएको छ । नेपाली राष्ट्रिय क्रिकेट टोलीका पूर्व सदस्य शरद भेषावकर र आयोजक मातृभूमि स्कुलकी प्रिन्सिपल प्रकृति केसीले संयुक्त रूपमा उद्घाटन गरे । खेल भने बिहीबार सुरु हुनेछ । उद्घाटनकै अवसरमा भेषावकर र केसीले ट्रफी पनि सर्वाजनिक गरेका थिए ।

प्रतियोगितामा ८ छात्र टिमको सहभागी छन् । सहभागी टिमलाई दुई समूहमा विभाजन गरी लिगकम नकआउट आधारमा खेल खेलाइने छ । समूहमा शीर्ष दुई स्थानमा रहने टोली सेमिफाइनलमा पुग्ने छन् ।

समूह ‘ए’ मा जनप्रेमी वर्ल्ड स्कुल, विनायक शिक्षा निकेतन, ग्लोबल पब्लिक स्कुल र जेम्स तथा समूह ‘बी’ मा ग्यालेक्सी पब्लिक स्कुल, सहारा स्कुल, अक्षरा र मातृभूमि छन् ।