नेपालको १८ ओभर पनि समाप्त भएको छ । दीपेन्द्रले एक छक्का र एक चौका पनि प्रहार गरेका छन् । अब १२ बलमा १५ जितका लागि रन चाहिएको छ । यसबीच नेपालको १ सय ५० रन पनि पूरा भएको छ ।

दीपेन्द्र ४७ र गुल्सन १२ रन बनाएर खेलिरहेका छन् । स्कोर भएको छ, ३ विकेटमा १ सय ५६ रन ।

नेपालको १७ औं ओभर सकिएको छ र स्कोर भएको छ, ३ विकेटमा १ सय ४३ रन । नेपाललाई अब १८ बलमा २८ रन चाहिएको छ । दीपेन्द्रले फेरि दुई चौका प्रहार गरेका छन्, यो ओभरमा । उनी ३५ रन बनाएर खेलिरहेका छन् । गुल्सन ११ रनमा नटआउट छन् ।

दीपेन्द्रले लगातार दुई छक्का र एक छक्का प्रहार गरेका छन् । स्कोर बढेर ३ विकेटको क्षतिमा १ सय ३२ रन बनेको छ । यो ओभरमा २० रन बनेको छ ।

नेपालमाथि विस्तोरै दबाब सिर्जना भइरहेको छ । यसबीच गुल्सनले एक छक्का प्रहार गरे । नेपालको १५ ओभरको समाप्तीमा ३ विकेटमा १ सय १२ रन भएको छ । दीपेन्द्र ७ र गुल्सन ९ रन बनाएर खेलिरहेका छन् ।

स्कटल्यान्डको तुलनामा नेपालको अहिले रनरेट पछाडि छ । यसबीच १४ ओभर पूरा हुने क्रममा लिस्कले रोहित पौडेलको विकेट लिएका छन् । रोहितले १४ बलमा १६ रन बनाए । स्कोर भएको छ, ३ विकेटमा १ सय रन । यसरी नेपालको सय रन पूरा भएको छ, १३.५ ओभरमा । क्रिजमा नयाँ ब्याटरका रुपमा आएका छन्, गुल्सन झा ।

कप्तान रोहित पौडेल खराब सट खेल्दै आउट भएका छन् । लिस्को बलमा जोन्सबाट उनी क्याचआउट भएका हुन् । १४ बल सामना गरेका उनले १ चौकासहित १६ रन बनाए । 

रोहितले लामो समयपछि चौका प्रहार गरेका छन् र ओभर पूरा भएको छ, १३ । नेपाललाई अब चौका र छक्काकै आवश्यकता छ । नेपालका लागि क्रिजमा रोहित १६ र दीपेन्द्र २ रन बनाएर खेलिरहेका छन् । स्कोर भएको छ, दुई विकेटमा ९७ रन ।

नेपालले चौका र छक्का प्रहार गर्ने क्रममा शिथिलता आएको छ । अब नेपालले जितका लागि प्रति ओभर १० रन भन्दा माथिको दरले रन बनाउनु पर्नेछ र यो चुनौतीपूर्ण हुनेछ । यसबीच आसिफले विकेट गुमाएका छन् । उनले २७ बलमा ३३ रन बनाए । नयाँ ब्याटरमा दीपेन्द्रसि ऐरी आएका छन् । स्कोर भएको छ, दुई विकेटमा ८७ रन । १२ ओभर सकिएको छ ।

आसिफ सेख ३३ रन बनाएर आउट भएका छन् ।  २७ बलमा २ छक्कासहित उनले ३३ रन बनाएका हुन् । 

नेपालले ११ ओभरको समाप्तिमा एक विकेटको क्षतिमा ८४ रन । रन बनाउने क्रममा केही सुस्तता आएको छ । अब ५४ बलमा ८७ रन बनाउने पर्नेछ, नेपालले जितका लागि ।

नेपाली इनिङ्स मध्य भागमा पुगेको छ, दस ओभर पूरा भएको छ । यसको पहिलो बलमै लिस्कले भुर्तेलको विकेट लिएका छन् । उनले ३५ बलमा ४३ रन बनाए । यसरी पहिलो विकेटका लाग ७४ रनको साझेदारी टुटेको छ । यसका लागि ५५ बलको आवश्यकता परेको थियो । क्रिजमा आएका छन्, कप्तान रोहित पौडेल । स्कोर भएको छ, एक विकेटमा ७८ रन । आसिफ ३० रनमा नटआउट छन् ।

कुशल भुर्तेल ४३ रन बनाएर आउट भएका छन् । ३५ बलमा ४ छक्का र १ चौकासहित उनले ४३ रन बनाएका हुन् । लिस्कको बलमा उनी ब्रुसको हातबाट क्याच आउट भएका हुन् ।  

नवौं ओभर सकिएको छ र नेपाल अहिले सुदृढ स्थितिमा देखिएको छ । नेपाल सजिलै रन बटुल्न सफल देखिएको छ । केही डट बल पनि गइरहेका छन् । सबैभन्दा महत्त्वपूर्ण तथ्य, नेपालले कुनै विकेट गुमाएको छैन, स्कोर भएको छ, ७४ रन ।

तस्बिर : हेमन्त श्रेष्ठ/कान्तिपुर

ह्वेलले गरेको आठौं ओभर पूरा भएको छ । पावर प्लेको समाप्तिमा नेपालले केही संयमित भएर खेलिरहेको छ । यसबीच कुशलले एउटा सुन्दर विशाल छक्का प्रहार गरेका छन् । स्कोरले अब छोएको छ, ७० रन । नेपाललाई अझै १ सय १ रन चाहिएको छ ।

सातौं ओभर ओलिभर डेविडसनले गरेका छन् । नेपालका लागि रन आउने क्रम जारी छ । स्कोर भएको छ, ६३/० (७ ओभर) ।

करीले गरेको छैटौं ओभरको बलिङमा नेपालको ५० रन पूरा भएको छ । कुशल ३१ र आरिफ २३ रनमा नटआउट छन् । यसरी नेपालको ब्याटिङ पावरप्ले सकिएको छ र नेपालले राम्रो सुरुआत लिएको छ । यो क्रमलाई टिमले कायम राख्नु पर्नेछ । स्कोर भएको छ, बिनाविकेटको क्षतिमा ५६ रन ।

तस्बिर : हेमन्त श्रेष्ठ/कान्तिपुर

वाटको पाँचौ ओभरमा एक चौका र तीन छक्का लागेको छ । स्कोर भएको छ, बिना विकेटको क्षति ४३ रन । कुशल ३१ र आसिफ १८ रन बनाएर खेलिरहेका छन् ।

तस्बिर : हेमन्त श्रेष्ठ/कान्तिपुर

अफ स्पिनर मार्क वेटले तेस्रो ओभर बलिङ गरेका छन् । नेपालको स्कोर भएको छ, बिना विकेटको क्षति १८ रन ।

ब्राडली करीले दोस्रो ओभर बलिङ गरेका छन् । पहिलो बलमै भुर्तेलको क्याच छुटेको छ । लगतै उनले विशाल छक्का प्रहार गरे । स्कोर भएको छ, बिना विकेटको क्षतिमा १२ रन । कुशल ९ र आसिफ ३ रन बनाएर खेलिरहेका छन् ।

नन्दनले २० औं ओभर गरे र लिस्क विकेट पछाडि समातिए । अम्पायरले रिभ्युमा आउटको निर्णय गरेका हुन् । मार्क वेट १० र ओलिभर डेविडसन १ रनमा नटआउट रहे । अन्तिम बलमा छक्का लागेको छ । यससँगै स्कटल्यान्डको इनिङ्स समाप्त भएको छ । स्कटल्यान्डले ७ विकेटमा १ सय ७० बनेको छ । अब नेपालले जितका लागि १ सय ७१ रनको लक्ष्य तयार भएको छ । नन्दनले आफ्नो ४ ओभरमा ३४ रन दिएर २ विकेट लिए ।

सोमपालले १९ औं ओभर बलिङ गरेका छन् । ब्रुस ५ रन बनाएर बोल्ड भए । यसरी सोमपालले पनि आफ्नो ४ ओभर पूरा गरेका छन् । उनले २५ रनमा ३ विकेट लिए । स्कटल्यान्डको ६ विकेटमा १ सय ५८ रन भएको छ ।

• सोमपाल बने विश्वकपमा सबैभन्दा बढी विकेट लिने नेपाली खेलाडी

नन्दनले १८ औं ओभर बलिङ गरे । स्कोर ५ विकेटमा १ सय ५३ रन भएको छ । म्याथ्यु क्रस ४ रन बनाएर आउट भएका छन्, उनी बोल्ड भए । क्रिजमा ब्रुस ५ र माइकल लिस्क शून्य रन बनाएर खेलिरहेका छन् ।

कुशल फेरि आक्रमणमा उत्रिएबम छन् । उनले आफ्नो चार ओभर पूरा गरेका छन् । उनले ३७ रन दिए । वेरिङटनको क्याच छुटेको छ, लोकेश बमबाट । तर यो गाह्रो क्याच थियो । स्कोर भएको छ, ४ विकेटमा १ सय ४५  । फिल्डिङ गर्ने क्रममा रोहित र गुल्सन बाउन्ड्री लाइनमा जुधेका छन् । दुवै केही घाइते भएका छन् । फिजियोले दुवैको उपचार गरेको छ । उनीहरूले सम्भावित चौका भने बचाएका छन् । अन्तिम बलमा वेरिङटन क्याच आउट भए । क्याच सन्दीप जोराले लिए ।

स्कटल्यान्डका लागि ७१ रन बनाएर खेलिरहेका माइकल जोन्सलाई १५. २ ओभरमा सोमपालले बोल्ड गरेका छन् । त्यस्तै उनले १५.४ ओभरमा ब्रान्डन म्याकमुलेनलाई पनि कट एन्ड बोल्ड आउट गरेका छन् । 

जोन्सले ४५ बलमा ७१ रन बनाए । उनी क्लिन बोल्ड भए । नेपालका लागि यो ठूलो राहत भएको छ । नयाँ ब्याटरका रुपमा रिची बेरिङटन आएका छन् । लगतै सोमपालले म्याकमुलेनलाई पनि आउट पारे, २५ रनमा । उनी कट एन्ड बोल्ड भएका हुन् । यसरी सोमपालले एकै ओभरमा दुई विकेट लिए । सोमपालको बलिङ भएको छ, ३ ओभरमा २ विकेट । स्कोर भएको छ, ३ विकेटको क्षतिमा १ सय ३४ रन ।

कुशलले १५ औं ओभर बलिङ गरेका छन् । स्कटल्यान्डले ठूलो स्कोर बनाउने आधार तयार पारेको छ । गुल्सनले म्याकमुलेनको क्याच लिने प्रयासमा खराब फिल्डिङ गरे र यो चौकामा परिणत भएको छ ।

जोन्सले एक छक्का पनि प्रहार गरे । स्कोर भएको छ, एक विकेटको क्षतिमा १ सय ३१ रन । दोस्रो विकेटका लागि ५० रनको साझेदारी पूरा भएको छ ।

नन्दनको १४ औं ओभरमा सन्दीप जोराले म्याकमुलेनको क्याच छाडेका छन् । उनले १५ रनमा जीवनदान पाए । यस्तोमा स्कोर रह्यो, एक विकेटको क्षतिमा १ सय १८ रन । जोन्स ६४ र म्याकमलन १८ रन बनाएर खेलिरहेका छन् ।

कुशलले १३ औं ओभर पूरा गरे । जोन्सले थप एक चौका प्रहार गरे । स्कोर एक विकेटको क्षतिमा १ सय १० रन भएको छ ।

प्रेस बक्स एन्डबाट सन्दीपले १२ औं ओभर बलिङ गरेका छन् । ब्रान्डन म्याकमुलेनले एक छक्का प्रहार गरे । यस्तै जोन्सले एक चौका प्रहार गरे । एक चौका बाई गएको छ । स्कोर एक विकेटमा १ सय १ रन भएको छ । जोन्स ५६ र म्याकमुलेन ११ रन बनाएर खेलिरहेका छन् । यसरी स्कटल्यान्डको सय रन पूरा भएको छ ।

तस्बिर : अंगद ढकाल/कान्तिपुर

कुशल भुर्तेल आक्रमणमा आएका छन् । स्कटल्यान्डको ११ ओभर सकिएको छ । नयाँ ब्याटरका रूपमा ब्रान्डन म्याकलम आएका छन् । स्कोर भएको छ, एक विकेटको क्षतिमा ८४ रन ।

तस्बिर : हेमन्त श्रेष्ठ/कान्तिपुर

१० ओभरको समाप्तिमा नेपालले पहिलो विकेट लिएको छ । १०औं ओभरको अन्तिम बलमा नेपालका कप्तान रोहितले जर्ज मुन्सीको विकेट लिएका हुन् । मुन्सी २७ रन बनाएर आउट भए । मुन्सीलाई सन्दीप जोराले क्याचआउट गराएका हुन्। यसअघि जोन्सले आफ्नो अर्धशतक पूरा गरेका थिए ३१ बलमा ।

सन्दीपले आफ्नो दोस्रो ओभर पूरा गरेका छन्, यसमा मुन्सीले एक चौका प्रहार गरे । ९ ओभरको समाप्तिमा स्कोर भएको छ, बिना विकेटको क्षति ७४ रन । जोन्स ४८ र मुन्सी २३ रन बनाएर खेलिरहेका छन् ।

कप्तान रोहित पौडेल अहिले आक्रमणमा उत्रिएका छन् । आठौं ओभर सकिएको छ र नेपाल अझै पहिलो विकेट प्राप्त गर्न संघर्ष गरिरहेको छ । जोन्सले एक चौका प्रहार गरेका छन् । जोन्स ४७ र मुन्सी १७ रन बनाएर खेलिरहेका छन् । स्कोर बिनाविकेटको क्षति ६७ रन भएको छ ।

पावर प्लेपछिको पहिलो ओभर लेग स्पिनर सन्दीप लामिछानेले बलिङ गरेका छन् । जोन्सले पहिलो बलमै फ्रन्ट फुटमा आएर छक्का प्रहार गरेका छन् । स्कोर भएको छ, बिनाविकेटको क्षति ६१ रन ।

दीपेन्द्रको तेस्रो ओभर पूरा भएको छ । मुन्सीले एक चौका प्रहार गरेका छन् । ५.२ ओभरमा ५० रन पूरा भएको छ । यो ओभरको समाप्तिमा स्कटल्यान्डले बिनाविकेटको क्षतिमा ५२ रन बनाएको छ ।

मुन्सी १५ र जोन्स ३४ रन बनाएर खेलिरहेका छन् । यसरी पावरप्लेको खेल सकिएको छ र स्कटल्यान्ड सानदार सुरुवात लिन सफल रहेको छ । स्कटल्यान्डसामु ठूलो स्कोर बनाउने अवसर तयार भएको छ ।

नेपालका लागि पाँचौँ ओभरमा बलिङमा आएका छन् सोमपाल कामी । पहिलो बलमा ४ रन खर्चिएका सोमपालले यस ओभरमा भने  १० रन दिएका छन् । यसअघि पहिलो ओभरमा भने उनले ८ रन दिएका थिए । र स्कटल्यान्डको स्कोर भएको छ ४६/०

नेपालका लागि चौथो ओभर बलिङ गर्न आएका नन्दन यादवले ११ रन दिएका छन् । नन्दनले भने आफ्नो पहिलो ओभर बलिङ गरेका हुन् । 

स्कटल्यान्डले बलियो सुरुआत लिने संकेत गरेको छ । जोन्सले नन्दनलाई दुई चौका प्रहार गरेका छन् । यस्तोमा स्कटल्यान्डको स्कोर भएको छ, बिनाविकेटको क्षति ३६ रन । जोन्स २४ र मुन्सी ९ रन बनाएर खेलिरहेका छन् ।

दीपेन्द्रले आफ्नो दोस्रो ओभर बलिङ पूरा गरेका छन् । जोन्सले पनि एक चौका र एक छक्का प्रहार गरेका छन् । स्कटल्यान्डको स्कोर भएको छ, विना विकेटको क्षति २५ रन भएको छ ।

दोस्रो ओभर लिएर आएका छन्, सोमपाल कामी । उनले मिडिया बक्स एन्डबाट बलिङ सुरु गरेका छन् । स्कटल्यान्डको स्कोर भएको छ, विना विकेटको क्षति १४ रन । मुन्सीले आफ्नो दोस्रो चौका प्रहार गरेका छन् । आयरल्यान्डका लागि मुन्सी ९ र माइकल जोन्स ३ रन बनाएर खेलिरहेका छन् ।

नेपालका लागि दीपेन्द्रसिंह ऐरीले बलिङ सुरु गरेका छन् । यसरी नेपालले स्पिनबाट आक्रमण सुरु गरेको छ । उनको पहिलो ओभरमा ६ रन बनेको छ । स्कटल्यान्डका लागि ओपनर जर्ज मुन्सीले एक चौका प्रहार गरेका छन् ।