काठमाडौँ — सीतापाइला तेक्वान्दो डोजाङले नागार्जुन नगरपालिकाको सहयोगमा नागार्जुन उपमेयर कप १२ औं सीतापाइला काठमाडौं जिल्लास्तरीय तेक्वान्दो प्रतियोगिता फागुन २८ देखि हुनेछ ।

प्रतियोगितामा ४० डोजाङका करिब ६ सय खेलाडीको सहभागिता रहने आयोजक डोजाङका प्रमुख प्रशिक्षक एवं अध्यक्ष बब्लु सिवाकोटीले मंगलबार पत्रकार सम्मेलनमा जानकारी गराए । ग्योरोगीमा चिल्ड्रेन, क्याडेट, जुनियर र सिनियर तथा पुम्सेमा क्याडेट, जुनियर र सिनियरमा गरी २८ स्वर्णका लागि भिडन्त हुनेछ ।

टिममा शीर्ष तीन स्थानमा रहनेले क्रमशः ५० हजार, ३० हजार र २० हजार रुपैयाँ पुरस्कार प्राप्त गर्नेछन् । उत्कृष्ट पुरुष/महिला खेलाडीलाई जनही १० हजारबाट पुरस्कृत गरिने छ । अनुमानित २० लाख खर्च लाग्ने तीनदिने प्रतियोगिताका खेल खोपाटोलमा खेलाइने छ ।