विज्ञप्तिमा भनिएको छ, 'फाइनल खेल घोषणा गर्ने क्रममा प्राविधिक त्रुटिका कारण गलत सूचना प्रवाह हुन गएको थियो ।मिति २०८२ माघ १७ गते हुने पुरुषतर्फको फाइनल खेल गण्डकी प्रदेश भलिबल संघ र नेपाल पुलिस क्लबबीच हुने आधिकारिक जानकारी गराउँदछौं ।’ 

प्रतियोगिताको उपाधि भिडन्तअघि नै टोली परिवर्तनको विषयले चर्चा पाएको भए पनि अब आयोजकले आधिकारिक रूपमा फाइनल समीकरण स्पष्ट पारेको छ । 

यसअघि, ५ खेलबाट पुलिसले १० अंक जोडेको थियो । चार खेलबाट ९-९ अंक जोडेका गण्डकी र पर्वतको शुक्रबारको खेल ३-२ मा टुंगिएपछि गण्डकीले २ अंक थप्दै ११ अंक पुर्‍याएर लिग तालिकाको शीर्ष स्थानमा पुग्दै फाइनल सुनिश्चित गर्‍यो । पर्वतले एक अंक थप्दै १० पुर्‍याएपछि सेटका आधारमा पुलिसलाई पाखा लगाउदै फाइनलमा पुगेको बताइएको थियो । तर पुलिसले सेट रेसियोको आधारमा आफ्नो टिम फाइनलमा पुगेको दाबी गरपछि आयोजकले गल्ती सच्याएको हो ।