कुम्मायक कुसायकले ट्रफी, मेडल र प्रमाणपत्र सहित ३ लाख २ हजार ८२ रुपैंया प्राप्त गरेको छ भने उपविजेता साथीभाइले १ लाख ५२ हजार ८२ मा चित्त बुझाउनु परेको छ ।
ताप्लेजुङ — प्रथम लिङ्गतेप गोल्डकपको उपाधि पाँचथरको कुम्मायक गाउँपालिका स्थित कुसायक युथ क्लबले जितेको छ । मंगलबार सम्पन्न फाइनल खेलमा साथीभाइ युवा क्लब फुङ्लिङ ताप्लेजुङलाई ४ –२ गोल अन्तरले पराजित गर्दै कुम्मायक कुसायकले उपाधि हात पारेको हो ।
कुम्मायक कुसायकले ट्रफी, मेडल र प्रमाणपत्र सहित ३ लाख २ हजार ८२ रुपैंया प्राप्त गरेको छ भने उपविजेता साथीभाइले १ लाख ५२ हजार ८२ मा चित्त बुझाउनु परेको छ । फाइनल खेलमा जमिन लक्समको गोल मार्फत साथीभाइले सुरुवाती अग्रता बनाएको थियो ।
लक्समले खेलको १० औं र १८ औँ मिनेटमा गोल गरेर कुम्मायक कुसायकलाई दबाबमा राखेका थिए । तर दोस्रो हाफ देखि खेलमा फर्किएको कुम्मायक कुसायकले नाटकीय जित निकाल्यो । ४९ औ मिनेटमा लोकेन्द्र थापाले सान्त्वना गोल फर्काए भने सेमसेङ लावतीले खेलको ५८ मिनेटमा दोश्रो गोल गर्दै खेल बराबरीमा ल्याए ।
६० औँ मिनेटमा सुशील लिम्बुले तेश्रो गोल गरेपछि अग्रता बढाएको कुम्मायकलेको तर्फवाट ८२ औँ मिनेटमा सुशील लावतीले चौथो गोल गर्दै साथीभाइसँगको खेल ४– २ ले टुङ्ग्याइदिए । श्री पञ्चमी ( बसन्त पञ्चमी ) मेलाका अवसरमा प्रगतिशील युथ क्लब लिङ्तेपले प्रतियोगिताको आयोजना गरेको हो।
