आर्मीका राजीवकुमार नेपालले १८ मिनेट २० सेकेन्डबाट दोस्रो र सन्जिव माझीले १८ मिनेट २२ सेकेन्डबाट तेस्रो स्थान हासिल गरे ।
काठमाडौँ — ७४ औं अन्तर्राष्ट्रिय भन्सार दिवसको अवसरमा शनिबार भएको ४ किलोमिटर दौड प्रतियोगितामा प्रतियोगितामा पुरुषतर्फ एपीएफका रुपेश कार्की १५ मिनेट ३१ सेकेन्डमा दुरी पार गर्दै विजेता बनेका छन् ।
आर्मीका राजीवकुमार नेपालले १८ मिनेट २० सेकेन्डबाट दोस्रो र सन्जिव माझीले १८ मिनेट २२ सेकेन्डबाट तेस्रो स्थान हासिल गरे । महिलातर्फ आर्मीकी लक्ष्मी खड्काले २२ मिनेट २९ सेकेन्डबाट पहिलो, एपीएफका ताराकुमारी गिरीले २३ मिनेट २५ सेकेन्डबाट दोस्रो र रीता खड्काले २५ मिनेट ०२ सेकेन्डबाट तेस्रो स्थान हासिल गरे ।
त्रिपुरेश्वरस्थित भन्सार विभागबाट सुरु दौड थापाथली, माइतीघर, बानेश्वर, तीनकुने हुँदै सोही स्थाननमा आएर दौड टुंगिएको थियो । सेना, सशस्त्र प्रहरी, भन्सार कर्मचारी, भन्सार एजेन्ट, नेपाल फ्रेट फरवार्डरस एसोसिससन, नेपाल भन्सार एजेन्ट संघ काठमाडौं, नेपाल निर्यात परिषद् ठमेल तथा नेपाल कुरियर सेवा संघका गरी १ सय ५० प्रतियोगीको सहभागिता थियो ।
विजेतालाई जनवरी २६ मा अन्तर्राष्ट्रिय भन्सार दिवसको अवसरमा त्रिवि भन्सार कार्यालयमा हुने विशेष समारोहमा नगद पुरस्कारसहित पुरस्कृत गरिने नेपाल भन्सार एजेन्ट संघ काठमाडौंका अध्यक्ष होमनाथ धमलाले जानकारी गराए । विजेताले २५ हजार, दोस्रो १५ हजार र तेस्रो हुनेलाई १० हजार पाउनेछन् । प्रतियोगिताको उदघाटन त्रिवि भन्सार कार्यालयका प्रमुख विष्णुप्रसाद ज्ञवालीले गरेका थिए ।
