काठमाडौँ — प्रथम केएमसी २९ वडा अध्यक्ष कप खुला फिडे र्‍यापिड रेटिङ चेस च्याम्पियनसिपको उपाधि भारतीय खेलाडी किशन कुमारले जितेका छन् ।

राजधानीमा शनिबार अनामगरस्थ्ति २९ वडा कार्यालयमा सम्पन्न कुल ३ लाख ३७ हजार रुपैयाँ धनराशि पुरस्कार रहेको प्रतियोगितामा भारतका १९०९ रेटेड किशनले ८ अंक, प्रोग्रेसिभ ५३.५ अंकसहित उपाधि जिते ।

नवौं चरणपूर्व ६ खेलाडीको समान ७ अंक थियो । पहिलो बोर्डमा एफएम क्षितिज भण्डारीले १८३१ रेटेड महेन्द्रकुमार सम्बाहाम्फेविरुद्ध पाए । दोस्रो बोर्डमा प्रोग्रेसिभ प्वाइन्ट धेरै बनाएका राजन सुवेदी आशिष फुयाँलसँग पराजित भए । तेस्रो बोर्डमा किशन कुमारले बढी प्रोग्रेसिभ प्वाइन्ट भएका आकाश सुवेदीलाई हराएर उपाधि जिते । किशनले ३५ हजार प्राप्त गरे । नेपालका शीर्ष २११७ रेटेड क्षितिज भण्डारी समान ८ अंक जोडेर दोस्रो भएर ३० हजार जित्न सफल भए । ८ अंक नै जोडेर नेपालका २०६९ रेटेड आशिष फुयाँल तृतीय भए । उनले २५ हजार पाए ।

समान ७ अंक जोडेका स्याङ्जाका अनरेटेड आकाश सुवेदी चौथो भएर २० हजार पाउन सफल भए । उपाधिबाट चुकेका १९७३ रेटेड झापाका राजन सुवेदी पाँचौं, काठमाडौंका १८९८ रेटेड सीएम नवीन तण्डुकार छैटौं, झापाका २००२ रेटेड सीएम सुश्रुत दाहाल सातौं भए । उनीहरूले जनही १७ हजार जिते ।