ताप्लेजुङ — मिक्वाखोला गाउँपालिकामा प्रथम सहिद कप फुटबल प्रतियोगिता हुने भएको छ । 

पूर्वमाओवादीको भ्रातृ संगठन योङ कम्युनिष्ट लिग (वाईसीएल) मिक्वाखोला गाउँपालिका कमिटीको आयोजनामा सहिद दिवसको अवसरमा प्रतियोगिता संचालन गर्न लागिएको हो । अन्तरपालिकास्तरीय  फुटबल प्रतियोगिता १६ देखि २१ माघसम्म हुनेछ । 

विजेताले १ लाख ५१ हजार र उपविजेताले १ लाख १ सय ११ रुपैयाँका साथमा ट्रफी,  मेडल र प्रमाणपत्र प्राप्त गर्नेछन् । प्रतियोगितामा जिल्लाका ८ वटा पालिकाको  सहभागिता रहने जनाइएको छ । 

प्रतियोगिता मिक्वाखोला–४  थलङ खेल मैदानमा हुने खेल संयोजक रणध्वज थलङले जानकारी दिए । अन्तरपालिका स्तरीय प्रतियोगिता भएपनि ३ जनासम्म खेलाडी भने पालिका बाहिरका खेलाउन पाइने आयोजकले बताएका छन् ।