खोटाङ — प्रभुराम राई पुरुष फुटबल प्रतियोगिता सुरु भएको छ । खोटाङको बुइपास्थित यलम्बर रंगशालामा बुधबार प्रतियोगिता सुरु भएको हो । 

खेलको उद्घाटन एन्फा महासचिव किरण राईले गरे । 

प्रतियोगिताको उद्घाटन खेलमा आयोजक बुइपा-११ स्पोर्ट्स क्लबले ऐंसेलुखर्क गाउँपालिकालाई ४–० ले विजय सुरुवात गरेको छ । त्यस्तै माघ ८ गतेको पहिलो खेल खाराम्बु स्पोर्ट्स क्लब खार्मी र खोटाङ फुटबल एकेडेमी केफए, दोस्रो खेल नेर्पा स्पोर्ट्स क्लब र सिर्जना युवा क्लब धरान तथा तेस्रो खेल रणभीम गण मुढे र गछिया युवा क्लब मोरङबीच हुने आयोजकले जनाएको छ । उद्घाटन खेलको म्यान अफ द म्याच, बुइपा-११ स्पोर्ट्स क्लबका जर्सी नम्बर ११ का पविन राई घोषित भएका छन् । खेलमा १० टिम सहभागी भएका छन् ।