भैरहवा — रूपन्देही क्रिकेट संघको आयोजनामा भैरहवामा सञ्चालन भएको ‘पवनकुमार सेठिया स्मृति क्रिकेट’ अन्तर्गत रूपन्देही–११, ले त्रिभुवन आर्मी क्लब ‘ए’ विरुद्ध टेष्ट, वान–डे र टी–२० सिरिज जित्न सफल भएको छ ।

रूपन्देहीले बुधबार टी–२० अन्तर्गतको दोस्रो खेल जितेर सिरिज कब्जा गरेको हो । 

रूपन्देहीले बुधबार आर्मीलाई ६ विकेटले पराजित गर्‍यो। मंगलबार पहिलो खेलमा रूपन्देही २६ रनले विजयी भएको थियो । भैरहवास्थित सिद्धार्थ क्रिकेट मैदानमा जितका लागि १ सय १९ रनको लक्ष्य प्राप्त गरेको थियो । रूपन्देहीले १७ ओभरमा ४ विकेट गुमाएर जित पक्का गर्‍यो ।

रूपन्देहीका लागि आकाश त्रिपाठीले अविजित ३९, सन्दीप मौर्यले २४, आरिफ खानले १८, सन्दीप रजालीले १५ र विजय प्रजापतिले नटआउट १२ रनको योगदान गरे ।