घरेलु कोर्टमा केएमसीले हिमालीलाई १५–९ स्कोरले पराजित गर्यो । केएमसीकी आकृषा घिमिरेले १२ स्कोर जोडिन् । चाँदबागले गोल्डेन फ्लावरलाई २४–१४ ले हरायो ।
काठमाडौँ — आयोजक केएमसी, द चाँदबाग र चेल्सी वर्ल्ड स्कुल बुधबार पाँचौं केएमसी अन्तरविद्यालय बास्केटबल प्रतियोगिताको सिनियर गर्ल्सतर्फ सेमिफाइनल पुगेका छन् ।
घरेलु कोर्टमा केएमसीले हिमालीलाई १५–९ स्कोरले पराजित गर्यो । केएमसीकी आकृषा घिमिरेले १२ स्कोर जोडिन् । चाँदबागले गोल्डेन फ्लावरलाई २४–१४ ले हरायो । विजेताकी अमौलिका खड्काले १५ स्कोर गरिन् ।
डिफेन्डिङ च्याम्पियन रिब्स भने चेल्ससँग २८–२४ ले पराजित भयो । सेमिफाइनलमा चेल्सीको भेट केएमसीसँग हुनेछ भने चाँदबागले रिब्सको सामना गर्नेछ ।
सिनियर ब्वाइज र जुनियर ब्वाइजमा क्वाटरफाइनल समीकरण पूरा भएको छ । सिनियर ब्वाइजको क्वाटरफाइनलमा बालदीक्षा सदन र सेवा सदन, मार्वलस र आयोजक केएमसी ‘बी’, भीएस निकेतन र काठमाडौं जेभियर्स पब्लिक तथा गोल्डेनपिक र माइलस्टोनबीच प्रतिस्पर्धा हुनेछ ।
जुनियर ब्वाइजको क्वाटरफाइनलमा इडेन ब्रिज एकेडेमी (इबीए) ले गोल्डेन फ्लावर, गोल्डेनपिकले मानाङ्क चिल्ड्रेन, ग्रिन लन्सले हिमाली र ग्रिनफिल्डले सनसाइनविरुद्ध प्रतिस्पर्धा गर्नेछन् । सिनियर/जुनियर ब्वाइजको क्वाटरफाइनल बिहीबार हुनेछ ।
