यू–१२ ब्वाइज प्रतियोगितामा १२ वर्षमुनि र ५ फिट ३ इञ्चसम्मका खेलाडीले मात्र खेल्न पाउने प्राविधिक निर्देशक रवीन्द्र गुप्ताले बताए । प्रतियोगिताको उत्कृष्ट ९० खेलाडी छनोट गरेर ६ टोली बनाइने र उनीहरूलाई सिंगल राउण्ड रोबिन फर्म्याटमा सेतो जर्सीमा ५० ओभरको खेलाइने आयोजकले घोषणा गरेको छ ।

उत्कृष्ट प्रदर्शन गर्ने टिम तथा खेलाडीहरूलाई आकर्षक पुरस्कारको व्यवस्था गरिएको जनाइएको छ । २८ दिन चल्ने प्रतियोगिताको विजेताले ३० हजार र दोस्रोले २० हजार पाउनेछ । प्लेयर अफ द सिरिजलाई किट ब्याग, उत्कृष्ट ब्याटरलाई ब्याट तथा उत्कृष्ट बलरलाई क्रिकेट सुज प्रदान गरिने आयोजकले जनाएको छ ।

प्रतियोगितालाई अनुपम फुडल्यान्डले मुख्य प्रायोजन गरेको छ । अनुपमका प्रबन्ध निर्देशक मधु पन्थीले उमेर समूह क्रिकेट विकासमा आयोजकले चालेको कदममा साथ दिन प्रायोजन गरेको बताए ।