यस नतिजासँगै प्रतियोगिताको अन्तिम आठको समीकरण पूरा भएको छ ।
काठमाडौँ — डिफेन्डिङ च्याम्पियन आइभरीकोस्टले मंगलबार बुरकानो बासोलाई सजिलै ३–० ले पराजित गर्दै अफ्रिकी कप अफ नेसन्सको क्वाटरफाइनल यात्रा तय गरेको छ ।
यस नतिजासँगै प्रतियोगिताको अन्तिम आठको समीकरण पूरा भएको छ । त्यसमा अमाड डिआलो, यान डाइमान्डे र ब्लाटी टुरेले गोल गरे ।
यस अगाडि अल्जेरियाले डीआर कंगोलाई १–० ले पराजित गरेको थियो । अतिरिक्त समय पुगेको त्यस खेलमा बोउलबिनाले एक मात्र निर्णायक गोल गरे ।
अब आइभरीकोस्टले इजिप्टको सामना गर्नेछ । अन्य खेलमा मालीले सेनेगल, क्यामरुनले मोरक्को र अल्जेरियाले नाइजेरिया भिड्ने छन् । अब क्वाटरफाइनल खेल बिहीबार सुरु हुनेछन् ।
