काठमाडौँ — नेपालले पहिलो पटक अन्तर्राष्ट्रियस्तरको आइस स्केटिङ प्रतियोगितामा सहभागिता जनाउने भएको छ ।

भारतको देहरादुनस्थित महाराना प्रताप स्पोर्ट्स कम्प्लेक्समा रहेको हिमाद्री अन्तर्राष्ट्रिय आइस स्केटिङ रिन्क सेन्टरमा पुस १२ देखि १४ सम्म सर्ट ट्रायक स्पिड आइस स्केटिङ हुन लागेको हो ।

त्यसमा नेपालका तर्फबाट चार पुरुष र दुई महिला गरेर कुल छ खेलाडीले सहभागिता जनाउन लागेको हो । त्यसमा रमेश मोक्तान, अरुण खत्वे, जेभियरजंग थापा, सायोन अर्याल, परी गुरागाईं र अल्का घिमिरेले सहभगिता जनाउने नेपाल स्केटिङ तथा स्केट बोर्ड संघले बताएको छ ।

नेपाल ओलम्पिक कमिटीका अध्यक्ष जीवनराम श्रेष्ठले बुधबार आयोजित विशेष कार्यक्रमबीच खेलाडीको बिदाइ गरे ।