काठमाडौँ — आयोजक भ्याली पब्लिकको तीन टोली १९ औं भ्याली पब्लिक कप अन्तरविद्यालय बास्केटबल प्रतियोगिताको क्वाटरफाइनलमा पुगेका छन् ।

भ्याली पब्लिकको गर्ल्सको दुई र सिनियर ब्वाइजको एक टोली क्वाटरफाइनलमा पुगेका हुन् ।

घरेलु कोर्टमा गर्ल्सको प्रतिस्पर्धामा भ्याली पब्लिक ‘बी’ ले सत्यसाइलाई २१–२० ले पराजित गर्‍यो । जितमा सानीमाया तामाङले १० स्कोर गरिन् । दृष्य गुरुङको १० स्कोरमा भ्याली पब्लिक ‘ए’ ले क्यान्भासलाई २५–१७ ले हरायो ।

सिनियर ब्वाइजमा भ्याली पब्लिकले हिमशिलालाई ६७–५० स्कोरले हरायो । विजेताका अशोक विश्वकर्माले ३१ स्कोर गरे । सोही स्पर्धामा बागमतीले स्कोलर्स होमलाई ४९–३८ ले हराएर क्वाटरफाइनलमा स्थान बनायो । बागमतीका आर्यन श्रेष्ठले २१ अंक जोडे ।