बोल्ट्सका जनरल म्यानेजर खतिवडाले होटल द किङ्सबरीले देखाएको विश्वास र समर्थनप्रति गहिरो आभार व्यक्त गर्दै भने, ‘हामी उपाधि रक्षा गर्ने यात्रामा छौं, र द किङ्सबरी जस्तो उत्कृष्ट र विश्वसनीय ब्रान्डको साथ पाउनु हाम्रा लागि गर्वको विषय हो । यो सहकार्य केवल प्रायोजन होइन, यो दुवै ब्रान्डको दीर्घकालीन विकास, क्षेत्रीय पर्यटन र संयुक्त मार्केटिङ प्लेटफर्म विस्तारतर्फको महत्त्वपूर्ण कदम हो ।’

उत्कृष्ट आतिथ्य र सेवा गुणस्तरका लागि प्रदेश–१ मा चर्चित होटल द किङ्सबरीसँगको यो रणनीतिक सहकार्यले जनकपुर बोल्ट्सलाई राष्ट्रियस्तरमा थप सशक्त ब्रान्ड उपस्थिति निर्माण गर्न, खेलकुद विकासलाई प्रवर्द्धन गर्न र क्षेत्रीय पहिचानलाई उचाइमा पुर्‍याउन ठूलो योगदान गर्नेछ भन्ने विश्वास होटलको रहेको छ । 

पहिलो सिजनको विजेता जनकपुर यस पटक उद्घाटन खेलमा काठमान्डु गोर्खाजसँग ५ विकेटले पराजित भएको थियो । ६ दिनको विश्रामपछि जनकपुरले दोस्रो खेल खेल्न लागेको हो ।