काठमाडौँ — स्किब्स र राइजिङ स्टारले ११ औं रेडियन्ट कप अन्तरविद्यालय बास्केटबल प्रतियोगिताको सिनियर ब्वाइजमा विजयी सुरुआत गरेका छन् ।

स्किब्सले पिपुल्स एकेडेमीलाई २२–२० स्कोरले पराजित गर्‍यो । स्किब्सका सोहन ठकुरीले १३ स्कोर गरे । रिजन थापाको ६ स्कोरमा राइजिङ स्टारले आयोजक रेडियन्ट पब्लिक ‘बी’ माथि २४–९ को जित पायो ।

सोही स्पर्धामा विस्डमले एलेन मेमोरियललाई २०–९ र केभीसीले श्री नवीन ज्योतिलाई २८–१७ ले हराए । विस्डमका सौगातले १० र केभीसीका आरोनलाल श्रेष्ठले १५ स्कोर जोडे ।

जुनियर ब्वाइजमा नवीन ज्योतिले गोल्डेन फ्लावरलाई १३–५ तथा एआईले केभीसीलाई ६–२ ले पन्छाए । नवीन ज्योतिका युनिकेश तामाङ ४ र केभीसीका आरुस बुढाथोकीले ४–४ स्कोर गरे ।

स्युचारटारस्थित आयोजक रेडियन्टको कोर्टमा भएको सिनियर गर्ल्सको प्रतिस्पर्धामा गोल्डेन फ्लावरले केभसीलाई २४–७ तथा नवीन ज्योतिले न्यु जेनिथलाई २१–१० ले पराजित गरे । फ्लावरकी सिमरन पाण्डेले १२ रनवीन ज्योतिकी अविना दानीले १० स्कोर गरे ।