पेरिस — एलेक्स म्याक एलिस्टरले गरेको एकमात्र गोलमा लिभरपुलले युरोपेली च्याम्पियन्स लिग फुटबलमा मंगलबार राति रियल म्याड्रिडलाई १–० ले हराएको छ । जितपछि कप्तान भर्जिल भान डाइकले आफ्ना खेलाडीलाई धेरै उत्साहित नहुन सुझाए । उनले भने, ‘लगातार दुई खेल जितेपछि केही सजिलो भएको छ, तर सबै संयमित रहनुपर्नेछ ।’ 

यही खेलका लागि लिभरपुलका पूर्व खेलाडी ट्रेन्ट एलेक्जान्डर आर्नोल्ड एनफिल्ड फर्केका थिए । उनी क्लबको एकेडेमीका खेलाडी हुन् । यही खेलमा लिभरपुलका पूर्व खेलाडी रहेका जाभी अलोन्सो पनि प्रशिक्षक हुँदै एनफिल्ड फर्केका छन् । उनी आएयता रियल २० खेलमा पराजित भएको दोस्रोपल्ट हो । 

जाभीले हारमा धेरै दुःख मनाएनन् । उनले भने, ‘टिमबारे धेरै कुरा गर्न छैन, यो लिग चरणको खेलमात्र हो, हामी सम्हालिन सक्षम छौं । हामी पराजित रह्यौं, किनभने हामी आक्रमणमा कमजोर भयौं ।’ यसअघि लिभरपुल सबै खाले प्रतियोगिताका आठमध्ये ६ खेलमा पराजित भएको थियो । तर, इंग्लिस प्रिमियर लिगमा एस्टन भिल्लालाई हराएपछि यो क्रम रोकिएको हो । 

रियलका लागि गोलरक्षक थिओ कोट्वाले शृंखलाबद्ध बचाउ गरेर छपल्टको च्याम्पियन लिभरपुललाई साँघुरो जितमा रोकेका थिए । ‘कोट्वा कति राम्रा खेलाडी हुन्, त्यो सबैलाई थाहा छ । तर यो दिन हाम्रो राम्रो भयौं, त्यसैले जितको हकदार भयौं,’ एलिस्टरले खेलको विश्लेषण गर्दै भनेका छन् । लुइस डियाजले दुई गोल गरेपछि बायर्न म्युनिखले भने डिफेन्डिङ च्याम्पियन पेरिस सेन्ट जर्मेन (पीएसजी) लाई २–१ ले पराजित गर्‍यो ।