डोटी — डोटीमा शनिबारदेखि दिल्पेश्वर क्रिकेट लिग सिजन-३ प्रतियोगिता सुरु हुने भएको छ । दिल्पेश्वर स्पोर्ट्स क्लबको आयोजनामा डीसीएलको तेस्रो संस्करण सुरू हुन लागेको हो । 

दिपायल सिलगढी नगरपालिका–३ मठस्थित दिल्पेश्वर खेल मैदानमा हुने प्रतियोगिताको तयारी पूरा भएको आयोजकले जनाएको छ । लिगसँगै सांस्कृतिक मेला पनि आयोजना गरिने छ । 

कात्तिक २ सम्म चल्ने प्रतियोगिताको प्रथम पुरस्कार राशि ट्रफी, मेडलसहित एक लाख ११ हजार एक सय ११ रहेको छ । द्वितीय पुरस्कार ५१ हजार एक सय ११ रुपैयाँ रहेको छ । 

प्रतियोगितामा म्यान अफ द म्याच, बेस्ट बलर, बेस्ट ह्वाट्स म्यान, म्यान अफ द सिरिज लगायतका खेलाडीका लागि पनि पुरस्कारको व्यवस्था गरिएको क्लबका कार्यवाहक अध्यक्ष रामभक्त सुनारले बताए ।