काठमाडौँ — डीएभीले प्रथम आरआरए रनिङ सिल्ड क्रिकेट प्रतियोगितामा बिहीबार एलआरआईलाई ५१ रनले पराजित गर्दै उपाधि जितेको छ ।

आयोजक रेडियन्ट रिडर्स एकेडेमीको मैदानमा भएको खेलबाट विजेता बनेको डीएभीले विजेताले ३० हजार र उपविजेताले १५ हजार रुपैयाँ पुरस्कार पाए ।

डीएभीले निर्धारित १० ओभरमा ५ विकेट गुमाएर ८४ रन बनायो । डिएभीका प्रसिद्ध जैसीले १३ बलमा ३७ र फरहान अन्सारीले ६ बलमा ११ रन जोडे । एलआरआईका कप्तान अभि थपलियाले ३ विकेट लिए ।

जवाफमा एलआरआई ९.४ ओभरमा अलआउट हुँदै ३३ रनमा समेटियो । अभिले ६ रन जोडे । बलिङमा प्रसिद्ध जैसीले ३ र कमल शाहीले २ विकेट लिए ।