इटहरीका प्रशिक्षक समर्पण मगरले उद्घाटन खेल जित्ने र त्यसपछिको रणनीति बनाउने बताए । आइतबार सहारा क्लब पोखरा र रेडस्टार फुटबल क्लब झापाबीच हुनेछ । पोखराको टिम पनि शुक्रबार ताप्लेजुङ आइसकेको छ । तेस्रो खेलमा लिजेन्ड फुटबल एकेडेमी सिलगुढी र चर्च ब्वाइज क्लब काठमाडौं, त्यसपछि सलहेस युवा क्लब सिरहा र फिदिम स्पोर्टिङ क्लब पाँचथरबीच प्रतिस्पर्धा हुनेछ । 

प्रतियोगितामा गत वर्षको उपविजेता सलहेसबाहेक सबै नयाँ टिम मैदानमा उत्रँदै छन् । विजेताले ७ लाख २ हजार ८२ र उपविजेताले ३ लाख ५० हजार ८२ रुपैयाँ प्राप्त गर्नेछन् । विधागततर्फ सर्वोकृष्ट खेलाडीलाई यामाहाको मोटरसाइकल प्रदान गरिनेछ ।

विधागत विजेतालाई १५ हजारका दरले पुरस्कृत गरिने लाखेजात्रा सञ्चालन समितिका अध्यक्ष सागर मादेनले बताए । म्यान अफ द म्याचले ७ हजार प्राप्त गर्नेछन् । लाखेजात्राको अवसरमा प्रतियोगिता २०२९ सालदेखि हुँदै आएको छ । कञ्चनजंघा, पाथीभरालगायतका विभिन्न नामबाट प्रतियोगिता हुँदै आएको छ ।