हिमालय क्विस्टा प्रोको मुख्य प्रायोजन, सूर्य प्लाईको सहप्रायोजन र वर्ल्ड पावर लिफ्टिङको साझेदारीमा हुने प्रतियोगिताका प्रत्येक तौल र उमेर समूहमा पहिलो, दोस्रो र तेस्रो हुने खेलाडीलाई ट्रफी र आकर्षक उपहार प्रदान गरिनेछ । लक्की ‘ड्र’मार्फत ५ खेलाडीलाई प्रभु महालक्ष्मी लाइफ इन्स्योरेन्सको १० लाख रुपैयाँबराबरको एक वर्षको इन्स्योरेन्स प्रदान गरिनेछ ।

उमेर समूहमा ४० देखि ८४ वर्षका व्यक्ति पनि सहभागी हुनेछन् । यू–१८ (जुनियर) र यू–२३ (युथ) को पनि स्पर्धा हुनेछ । प्रतियोगितामा नेपालका १७ महिलासहित ४९ खेलाडीले भाग लिने पक्का भएको छ ।

प्रतियोगिताका लागि करिब ८६ लाख रुपैयाँको बजेट रहेको जनाइएको छ । पावरलिफ्टिङ खेलको उत्थान र नेपाली खेलाडीलाई अन्तर्राष्ट्रिय स्तरमा पहिचान दिन र प्रोत्साहन गर्ने उद्देश्यका साथ प्रतियोगिता गर्न लागेको अध्यक्ष कार्कीले बताए ।