काठमाडौँ — मंगलादेवी सिंह स्मृति दोस्रो ओपन फिडे रेटिङ चेस प्रतियोगिताका विजेता खेलाडीलाई शुक्रबार पुरस्कृत गरिएको छ ।

काठमाडौं महानगरपालिका–२७ को आयोजनामा अन्नपूर्ण माध्यमिक विद्यालयमा भएको प्रतियोगितामा पुरुषोत्तम सिलवालले उपाधि जितेका थिए । उनले उत्कृष्ट प्रदर्शन गर्दै ८.५ अंकसहित २५ हजार रुपैयाँ पुरस्कार जिते । उनले ९ खेलमध्ये ८ जित र १ बराबरी गरेका थिए ।

क्षितिज भण्डारीले ८ अंकसहित दोस्रो भए भने प्रकाशचन्द्र नेपालले ७ अंकसहित तेस्रो भए । उनीहरूले क्रमशः २० हजार र १५ हजार प्राप्त गरे । धिरेन राईले ७ अंक, सुरोज महर्जनले ७ अंक र शैलेन्द्र न्यौपाने साढे ६ अंक पाए । उनी चौथोदेखि छैटौं स्थानमा रहे । उनीहरू जनही ५ हजार पाए । जनार्दन श्रेष्ठ, कमल श्रेष्ठ, राजन सुवेदी, आशिष फुयाल क्रमशः सातौं, आठौं, नवौं र दसौं स्थान रहेर ४–४ हजार पाए ।