काठमाडौँ — वीर गणेशमान सिंह १०के रोड रेसको पाँचौं संस्करण असार १४ गते  हुने भएको छ । काठमाडौं दरबारमार्गस्थित शेर्पा मल अगाडिबाट सुरु हुने १० किलोमिटर रेस भद्रकाली, रत्नपार्क, जमल, दरबारमार्ग, केशरमहल, लैनचौर, लाजिम्पाट, महाराजगन्ज, बालुवाटार, नक्साल, जय नेपाल हल हुँदै पुनः शेर्पा मलमा आएर टुंगिनेछ ।

आयोजक वीर गणेशमान सिंह स्पोर्ट्स कमिटीले दौडमा महिला र पुरुषको विधा समावेश रहेको जनाएको छ । दुवैतर्फका विजेताले ६० हजार, दोस्रोले ३० हजार, तेस्रोले १५ हजार रुपैयाँ पुरस्कार जित्ने

कमिटीका संयोजक सन्जिव तुलाधरले बताए । चौथोले १० र पाँचौंले ५ हजार पाउनेछन् ।

नेपाल एथलेटिक्स संघको प्राविधिक सहयोग रहने दौडमा कोर्स रेर्कड कायम गर्ने पहिलो खेलाडीलाई थप १० हजार प्रदान गरिनेछ ।  महिलातर्फ राजपुरा पछाईंको नाममा ३६ मिनेट ४३.२ सेकेन्ड र पुरुषतर्फ गोपीचन्द्र पार्कीको नाममा ३१ मिनेट ११.४ सेकेन्डको कोर्स रेर्कड छ ।