‘जापान उसु फेडेरेसनले हामीलाई ७ हजार २८० अमेरिकी डलर तिर्न बाँकी रहेको पत्र पठाएको छ । उक्त रकम समयमै तिर्न नसके नेपाली उसु अन्तर्राष्ट्रिय उसु महासंघको कालोसूचीमा पर्नेछ,’ ढुंगानाले भने ।

लाक्पा लामाको नेतृत्वमा रहेको अन्तर्राष्ट्रिय मान्यताप्राप्त उसु महासंघले प्रतियोगितामा नेपाली खेलाडीलाई सहभागिता गराएको थियो । त्यसमा दीपक हमाल, विजय सिंजाली, पासाङ शेर्पा, राजीव तामाङ र निमा घर्तीमगरले भाग लिएका थिए । विजयले ऐतिहासिक कांस्य पदक पनि जितेका थिए ।

गत वर्ष चीनमा सम्पन्न विश्वकप छनोटमा १४ खेलाडीसहितको नेपाली टोलीले सहभागिता जनाएको थियो । सोही प्रतियोगितामा गरेको प्रदर्शनका आधारमा नेपालबाट ५ खेलाडी थाउलु विश्वकपलाई छानिएका थिए ।

राष्ट्रिय खेलकुद परिषद्बाट विश्वकप सहभागिताको क्रममा खेलाडीको खाना र बसोबासको खर्च बिलअनुसार भुक्तानी प्रक्रिया अगाडि बढेको र युवा तथा खेलकुद मन्त्रालयमा गएर रोकिएको खेलाडीहरूको आरोप थियो ।

राष्ट्रिय मान्यताप्राप्त उसु महासंघका अध्यक्ष शैलेश कर्माचार्य खेलाडीको खर्च विवरण तिर्न राज्य तयार रहेको बताउँछन् । तर राज्यकोषमार्फत जाने रकम आफ्नो आधिकारिक महासंघमार्फत हुनुपर्ने उनको जिकिर छ । तर अन्तर्राष्ट्रिय समन्वय भने अर्को उसु महासंघसँग छ । त्यसलाई सरकारले अवैधानिक मानेको छ । जसले गर्दा उसु खेलाडीको अन्तर्राष्ट्रिय सहभागिता भविष्य अन्योलमा परेको हो ।