हाउन्ड्स चौथो जितपछि ५ खेलबाट ९ अंकसहित शीर्षस्थानमै छ । तेस्रो हार बेहोरेको कीर्तिपुरले ५ खेलबाट ७ अंक जोडेको छ ।

दोस्रो खेलमा टाइम्सले सामाखुसी युथ क्लबलाई ८४–६९ स्कोरले हराएर तेस्रो जित हासिल गरेको छ । टाइम्सका मनिष केसीले २० स्कोर गरे । उनी मोस्ट भ्यालुएबल प्लेयर भए । सामाखुसीका विक्रम डंगोलले २० स्कोर गरेका थिए । तेस्रो जित हात पारेको टाइम्स ८ अंकसहित दोस्रो स्थानमा उक्लेको छ । सामाखुसीको यो लगातार पाँचौं हार हो । सामाखुशीले अहिलेसम्म एक खेल पनि जित्न सकेको छैन । पराजित भए पनि १ अंक प्राप्त हुने हुादा सामाखुसी ५ अंकसहित पुछारमा छ ।

सामाखुसीले १८–१३ ले सुरुआती अग्रता लिए पनि टाइम्सले खेलमा पुनरागमन गरेको हो । टाइम्सले दोस्रो क्वाटरमा २७–२१ र तेस्रो क्वाटरमा २७–१२ को अग्रता बनाएर अन्तिम क्वाटरअघि ६७–५१ को अग्रता बनायो । अन्तिम क्वाटर सामाखुसीले १८–१७ ले आफ्नो पक्षमा पारे पनि टाइम्सलाई जितबाट रोक्न सकेन ।