खोटाङ — केएफए सूचन स्मृति दिक्तेल मेयर कप फुटबल प्रतियोगिता जेठ दोस्रो साता हुने भएको छ । खोटाङ फुटबल एकेडेमीको आयोजनामा जेठ ७ गतेदेखि १० सम्म दिक्तेल रंगशालामा प्रतियोगिता हुने भएको हो ।

दिक्तेल रूपाकोट मझुवागढी नगरपालिकाको मुख्य प्रायोजनमा हुने इलेभेन ए साइडको फुटबल खेलमा जिल्लाका सात र एक अतिथि गरी आठ टिमको सहभागिता रहने आयोजकले जनाएको छ । 

विजेताले २ लाख र उपविजेताले १ लाख नगद पाउने खेल संयोजक रोशिष श्रेष्ठले जनाए । उनका अनुसार उत्कृष्ट खेलाडीले ७ हजार, उत्कृष्ट गोलकिपर, उत्कृष्ट प्रशिक्षक र उच्च गोलकर्ताले जनही ४ हजार पाउने छन् । उदीयमान खेलाडीलाई २ हजार र प्लेयर अफ द म्याचलाई १ हजार नगद प्रदान गरिने आयोजकले जनाएको छ ।