काठमाडौँ — अन्तर्राष्ट्रिय सहकारी वर्षको अवसरमा राष्ट्रिय सहकारी महासंघले प्रभु महालक्ष्मी दोस्रो ओपन फिडे र्‍यापिड रेटिङ चेस प्रतियोगिता गर्ने भएको छ ।

प्रतियोगिता वैशाख २५ र २६ गते ललितपुरमा हुनेछ । प्रतियोगिताको मुख्य प्रायोजकमा प्रभु महालक्ष्मी लाइफ इन्स्योरेन्स रहेको छ । यसअघि पहिलो संस्करण २०८० जेठ १५ मा भएको थियो । त्यसमा काठमाडौंका सुदीप तामाङ विजेता भएका थिए ।

प्रतियोगितालाई नेपाल बुद्धिचाल संघले प्राविधिक सहयोग गर्नेछ  । यसपालि प्रतियोगितामा १ सय ५० बढी खेलाडी सहभागी हुने जनाइएको छ । विजेताले ४० हजार रुपैयँ पुरस्कार प्राप्त गर्नेछन् । विजेताले एक वर्षका लागि १० लाख रुपैयाँबराबरको आवधिक जीवन बीमा सुविधा प्राप्त गर्नेछन् ।