तिलोत्तमा — बुटवलमा सम्पन्न प्रथम उपमेयर कप नकआउट फुटबल प्रतियोगिताको उपाधि ट्रिनिटी युवा क्लब वालिङले हात पारेको छ । शनिबार भएको फाइनल खेलमा राइजिङ स्टार क्लब कपिलवस्तुलाई १–० गोल ले हराउँदै उसले उपाधि जितेको हो ।

खेलमा ट्रिनेटी युवा क्लब वालिङकी यशोदा शाहीले गरेको गोल नै निर्णायक गोल बन्यो । पहिलो हाफ गोल रहित बराबरीमा सकिएकोमा दोस्रो हाफको २२ औं मिनेटमा शाहीले टिमका लागि गोल गर्दै अग्रता दिलाएकी थिइन् । कपिलवस्तुले राम्रा अवसर गुमायो र कुनै गोल गर्न सकेन ।

फाइनल खेलको प्लेयर अफ दि म्याच ट्रिनिटी क्लबकी स्कोरर यशोदा शाही भइन् । प्रतियोगिताको उपाधि विजेता ट्रिनिटी युवा क्लब वालिङले १ लाख रुपैयाँ, कप, मेडल, प्रमाणपत्र प्राप्त गर्‍यो भने उपविजेता राइजिङ स्टार क्लबले ५० हजार पायो ।