कास्की — एलिट भलिबल एकेडेमीको आयोजनामा पोखरामा प्रथम एलिट भलिबल कप सुरु भएको छ । पोखरा महानगरपालिका–३ नदीपुरस्थित एकेडेमीमा सुरु प्रतियोगिताको गण्डकी प्रदेश खेलकुद परिषद् उपाध्यक्ष धोजकुमार गुरुङले उद्घाटन गरे ।

पहिलो दिन शुक्रबार पुरुषतर्फ आयोजक एलिट एकेडेमी र महिलातर्फ पृथ्वीनारायण क्याम्पस विजयी भएको प्रतियोगिता संयोजक एवं राष्ट्रिय महिला भलिबल टोली कप्तान अरुणा शाहीले जानकारी दिइन् । एलिटले श्रीकृष्ण दल गणलाई ३–२ को सेटमा पराजित गरेको हो । महिलातर्फ पृथ्वीनारायण क्याम्पसले महेन्द्र माध्यमिक विद्यालयलाई ३–० को सोझो सेटमा पराजित गर्‍यो । पृथ्वीनारायण क्याम्पस सेमिफाइनल प्रवेश गरेको छ । 

पुरुषतर्फको विजेताले १ लाख रुपैयाँसहित ट्रफी, मेडल र प्रमाणपत्र प्राप्त गर्नेछ । उपविजेताले ५० हजार रुपैयाँसहित ट्रफी, मेडल र प्रमाणपत्र पाउनेछ । महिलातर्फको विजेताले ५० हजार, उपविजेताले २५ हजार रुपैयाँसहित ट्रफी, मेडल र प्रमाणपत्र पाउने संयोजक शाहीलाई बताइन् ।