प्रतियोगिता सम्पन्न गर्नका लागि विदेशमा रहेका धरानेहरू र त्यहाँ रहेका विभिन्न संघसंस्थाहरूबाट सबैभन्दा बढी २० लाख रुपैयाँ सहयोग प्राप्त भएको क्लबले जनाएको छ । धरान उपमहानगरपालिकाको कार्यालयबाट ९ लाख र कोशी प्रदेश खेलकुद विकास बोर्डबाट ५ लाख रुपैयाँ सहयोग प्राप्त भएको तामाङले बताए । क्लबले २५ औं बूढासुब्बा गोल्डकपको आयोजना गर्दैगर्दा १ करोड २ लाख २५ हजार अनुमानित आय हुने अपेक्षा गरेको थियो । व्ययतर्फ उसले ८० लाख १० हजार हुने अनुमान गरेको थियो । तर प्रदेश खेलकुद विकास बोर्ड र राखेपले दिने भनिएको १० लाख रुपैयाँमा कटौती गरेकाले नाफा घटेको क्लबले जनाएको छ । गत संस्करणमा क्लबलाई १७ लाख बढी नाफा भएको थियो । माघ २४ देखि २६ सम्म भएको गोल्डकपको उपाधि न्युरोड टिम एनआरटीले जित्दै नगद १० लाख रुपैयाँ र उपविजेता चर्च ब्वाइज युनाइटेडले ५ लाख रुपैयाँ पाएको थियो ।