९० औँ मिनेटमा झापाका कप्तान श्याम मुर्मुले गोल गर्दै खेललाई बराबरीमा ल्याएपछि खेल रोमानञ्चक मोडमा पुगेको थियो । चर्च व्वाइजका डिफेन्डरबाट रिबाउन्स भएको बललाई मुर्मुले वान टचमा जाली चुमाए । 

खेलभरि दुवै टिमले गोल गर्ने प्रयास गरे पनि धेरै अवसर गुमाएका थिए । चर्च व्वाइजका सुरजज्यू ठकुरीको कर्नर प्रहार असफल हुँदा ७२ औं मिनेटमा दोब्बर अग्रता लिने अवसर गुम्यो । झापा एफसीका धीरज विष्ट, प्रवीन बस्नेत, फैजल र कप्तान आर्यन राईका प्रहार गोलमा परिणत हुन सकेनन ।

खेलको प्लेयर अफ द म्याच चर्च व्वाइजका गोलरक्षक टीकेन्द्र थापा घोषित भए । उनले नगद ११ हजार रुपैयाँ पुरस्कार पाए । 

चर्च व्वाइजका प्रशिक्षक सुमन श्रेष्ठले व्यस्त खेल तालिकाका कारण खेलाडी थाकेका कारण सोचेजस्तो प्रदर्शनमा चुकेको बताए । झापा एफसीका प्रशिक्षक प्रवेश कटुवालले एनएसएलको तयारीस्वरूप सीमित खेलाडी मात्र मैदानमा उतारेका कारण सोचेजस्तो नजिता नआएको बताए । 

सोमबार धरान एफसी र उज्वेकिस्तानको व्ल्याक बुल्स एफसीबीच खेल हुने आयोजक काँकडभिट्टा फुटबल ट्रेनिङ सेन्टरले जनाएको छ । प्रतियोगिताको विजेता टिमले नगद १० लाख र उपविजेताले ५ लाख रुपैयाँ पाउनेछ । प्रतियोगितामा भारत र उज्वेकिस्तानसहित ८ टोलीको सहभागिता छ । प्रतियोगिताको फाइनल चैत २ गते हुनेछ ।