उनका अनुसार खेलाडी छनोटपछि उनीहरूलाई आफ्नो स्पोन्सर आफैं खोज्न फेडेरेसनले सम्झौता गरिदिने छ । तर त्यतिबेलासम्म खेलाडीका लागि फेडेरेसनले प्रायोजक खोज्ने प्रयास गरिने कुँवरले बताए । उनले यो फेडेरेसन नयाँ संघ भएकाले विस्तारै सहयोगी खोज्दै जाने बताए ।

नेपालका शीर्ष वरीयताका पुरुष खेलाडी सुमन कुलुङलाई अस्ट्रियास्थित डा. सिग्रिड फाउन्डेसनले प्रायोजन गर्नेछ । सुमनले यसअघि नै आफ्नो प्रायोजक पाइसेकोले उनको सहभागिता लगभग पक्का भइसकेको छ । नेपालबाहिर ट्रेल रनिङमा प्रतिस्पर्धा गरिरहेकी सुनमाया बुढालाई पनि कैलाश फुगाले स्पोन्सर गरेको छ ।

मार्च अन्तिममा इन्टरनेसनल ट्रेल रनिङ एसोसिएसन (आईटीआरए) स्कोर हेरेर शीर्ष वरीयताका खेलाडीलाई सहभागी गराउने फेडेरेसनको तयारी छ ।

अध्यक्ष कुँवरले जेठमा नेपालकै हालसम्मको ठूलो खप्तड रामारोशन अल्ट्रा ट्रेल रेस तथा चैत १७ मा लाङटाङ–शिवपुरी अल्ट्रा ट्रेल रेस गर्ने तयारीमा महासंघ जुटेको जानकारी गराए ।