काठमाडौँ — नेपाल एपीएफ स्कुल कीर्तिपुर ‘ए’ ले दोस्रो अन्तरविद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिता जितेको छ ।

घरेलु मैदानमा बिहीबार भएको फाइनलमा एपीएफ स्कुलले सैनिक आवासीय महाविद्यालय सल्लाघारीलाई ५–० ले पराजित गर्‍यो । कप्तान दीपक गुरुङप्रेरित एपीएफले फाइनलमा जोडदार प्रदर्शन गरेको थियो । विवेकानन्द कुशवाहको हेड गोलबाट अग्रता लिएको एपीएफबाट दीपकले लामो दुरीको प्रहारमा दुई गोल गरे । विकास बोहराले पनि दुई गोल गरे । सैनिक आमाविका इशान तामाङ प्लेयर अफ द फाइनल भए । एपीएफका रोशन बुढा उत्कृष्ट गोलरक्षक, तेन्जिङ शेर्पा सर्वोत्कृष्ट खेलाडी, विकास बोहरा सर्वाधिक गोलकर्ता भए । फेयर प्ले  टिम ब्राइट होराइजन चिल्ड्रेन होम बन्न सफल भयो ।