काठमाडौँ — जापानी खेलाडी काओरु मितोमाले निर्णायक गोल गरेपछि ब्राइटनले शनिबार चेल्सीलाई २–१ ले हरायो र यस नतिजासँगै चेल्सी एफएकपको चौथो चरणबाट बाहिरिएको छ । सन् २०१८ यता चेल्सीले कुनै घरेलु कप उपाधि जित्न सकेको छैन् र यो क्रम यो सिजन पनि जारी रहने भयो ।
आत्मघाती गोलमा अगाडि रहेको चेल्सीविरुद्ध जर्जिनो रटरले बराबरी गोल फर्काए । मितोमाले ५७ औं मिनेटमा विजयी गोल गरे । केभिन डे ब्रुएनाको विजयी गोलमा म्यानचेस्टर सिटीले भने तेस्रो डिभिजनको लेयन ओरियन्टलाई २–१ ले नै हरायो ।
यस्तै न्युकासल युनाइटेडले बर्मिङघमलाई ३–२ ले हरायो । गुडसन पार्कमा खेलेको एफएकपको आफ्नो अन्तिम खेलमा एभरटन बर्नमाउथको हातबाट २–० ले पराजित रह्यो ।
