पुरुष भलिबल, महिला र पुरुप एथलेटिक्स, ब्याडमिन्टन र टेबलटेनिसमा गरी १९ स्वर्णका लागि प्रतिस्पर्धा भएको थियो ।

भलिबलमा मध्यपश्चिम च्याम्पियन

पुरुष भलिबलमा मध्यपश्चिमाञ्चल विश्वविद्यालय विजेता बन्यो । मध्यपश्चिमले त्रिभुवन विश्वविद्यालयलाई पराजित २१–२५, २५–१३, २५–१८, २५–२३ को सेटमा पराजित गरेको थियो । सुदूरपश्चिम विश्वविद्यालय भने कृषि तथा वनविज्ञान विश्वविद्यालयलाई २१–२५, २५–४, २५–१७, २५–१६ ले पराजित गरी तेस्रो भयो ।

त्यस्तै टेबलटेनिसमा त्रिभुवन विश्वविद्यालयले ३ स्वर्ण जित्यो । टोलीले २ रजत र एक कास्य पनि जित्यो । गण्डकी विश्वविद्यालयले १ स्वर्ण, १ रजत र २ कांस्य, काठमाडौंविश्वविद्यालयले १ रजत र ३ कांस्य जितेको छ भने पोखरा र पूर्वाञ्चल विश्वविद्यालयले एक–एक कांस्य जितेका छन् ।

ब्याडमिन्टनमा त्रिभुवन विश्वविद्यालय नै अगाडि रह्यो । टोलीले ४ स्वर्ण र एक रजत जित्यो । पोखरा, लुम्बिनी र गण्डकीले १–१ रजत तथा काठमाडौंले ३ कांस्य जितेको थियो ।

तेस्रो संस्करण चितवनमा

तेस्रो विश्वविद्यालय खेलकुद अर्को वर्ष चितवनको कृषि तथा वन विज्ञान विश्वविद्यालयले आयोजना गर्ने गरी झण्डा हस्तान्तरण गरिएको छ । कृषि तथा वनविज्ञान विश्वविद्यालयका विद्यार्थी कल्याण निर्देशनालयका निर्देशक कृष्णप्रसाद थपलियाले प्रतियोगिता आयोजनाको झण्डा ग्रहण गर्दै अर्को वर्ष चितवनमा सबै विश्वविद्यालयलाई निम्ता दिएका थिए ।