काठमाडौँ — काठमाडौँ माभरिक्स नेपाल कबड्डी लिग (एनकेएल) को फाइनलमा प्रवेश गरेको छ । रंगशालाको कभर्डहलमा बुधबार भएको क्वालिफायर टु मा काठमाडौँले विराटनगर ब्यानडिट्सलाई ४८-२६ ले पराजित गर्दै फाइनलमा स्थान बनाएको हो ।
लिग चरणमा भने विराटनगरसँग काठमाडौँ ४४-४३ ले पराजित भएको थियो । काठमाडौँले उपाधिका लागि जनकपुर नाईट्ससँग खेल्नेछ ।
जनकपुरले क्वालिफायर वानमा विराटनगरलाई हराएर फाइनलमा स्थान बनाइसकेको छ । लिगमा तेस्रो भएको काठमाडौँले इलिमिनेटरमा धनगढी वाईल्डक्याट्सलाई हराएर क्वालिफायर टुमा स्थान बनाएको थियो ।
राष्ट्रिय टिमका कप्तान समेत रहेका घनश्याम मगरले सानदार प्रदर्शन गर्पछि विराटनगरलाई क्वालिफायर टुमा हराएर काठमाडौँ उपाधि नजिक पुगेको हो। जनकपुर र काठमाडौँबिचको फाइनल शुक्रबार हुनेछ ।
