पोखरा — प्रो सन्जय लामाको टिमले शनिबार सूर्य नेपाल गल्फ टुरअन्तर्गत यस सिजनको चौथो प्रतियोगिता वेस्टर्न ओपनको प्रो–एम उपाधि जितेको छ ।

कुल १४८ स्कोर जोड्दै सञ्जयको टिम विजेता बन्यो । प्रो सन्जयले ३४, युवा एमेच्योर ड्यानियल बानियाँले ३९, दिप्सन लामा र मनीष शेरचनले समान ३६ स्कोर गरेका थिए ।

प्रो जयराम श्रेष्ठको टिम कुल १३५ स्कोरसहित दोस्रो भयो । जयरामले ३५, एमेच्योर लीलाजंग गुरुङले ३४, श्याम तामाङ र विश्व गुरुङले समान ३३ स्कोर गरे । प्रो भुवन नगरकोटीको‌ टिम १३० स्कोरमा तेस्रो भयो । भुवनले ३४ स्कोर गर्दा एमेच्योर गल्फर राजेन्द्र गौचन, बलराम थापा र राजु थकालीले ३२–३२ स्कोर गरे ।