काठमाडौँ — सन्तोषी श्रेष्ठ एथलेटिक्स खेलाडी हुन्। श्रेष्ठले १३औँ दक्षिण एसियाली खेलकुदमा महिलाको १० हजार मिटर दौडमा स्वर्ण पदक जितेर नेपाली एथलेटिक्सको इतिहासमा नयाँ रेकर्ड राखेकी थिइन् ।

लामो दुरीका दौड प्रतियोगिताहरूमा बलियो उपस्थिति जनाइरहने उनै सन्तोषीसँग ईकान्तिपुरका लागि गरिएको पाँच प्रश्नको सम्पादित अंश : 

१. तपाईंका लागि आदर्श खेलाडी को हुन् ?

मेरो लागि आदर्श खेलाडी सिफन हसान हुन् । साथै, पछिल्ला समयका  भाइ–बहिनीबाट पनि केही कुराहरू सिक्ने गरेको छु । सबै खेलाडी मेरो लागि आदर्श हुनुहुन्छ । तर, एउटा छान्नुपर्यो भने सिफन हासनलाई आदर्श मान्छु ।

२. तपाईंले भुल्न नसक्ने पराजय कुन हो ?

मैले कहिल्यै भुल्न नसक्ने पराजय १९औँ एसियाली खेलकुद हो । चीनमा भएको त्यो खेल म भुल्न सक्दिनँ । यसका साथै, साउथ एसियन गेम्सको ५ हजार मिटरको पराजय पनि भुल्न नसक्ने पराजय हो । 

३. कसलाई आफ्नो उपलब्धिहरू सबैभन्दा पहिले सुनाउनुहुन्छ ?

समय अनुसार धेरै कुरा परिवर्तन भइरहँदो रहेछ । म पहिले दाइलाई नै सबै कुरा सुनाउँथे । ममी–बुबासँगै नबस्दा उहाँहरूलाई सुनाउन पाउँथिन । तर ममी–बुवालाई आफ्नो उपलब्धि सबैभन्दा पहिला सुनाउने चाहना भने हुन्थ्यो नै । त्यतिबेला म मनमनै ती कुराहरु सुनाउँथे। तर सबैभन्दा पहिले दाइ र गुरुलाई भन्थेँ ।