दार्चुला — प्रधानमन्त्री कप महिला टि–२० सुदूरपश्चिम प्रदेशस्तरीय छनौट क्रिकेट प्रतियोगितामा बैतडी फाइनलमा प्रवेश गरेको छ । शनिबारको दोस्रो खेलमा डोटीलाई हराउँदै बैतडीले फाइनलमा स्थान सुरक्षित गरेको हो ।

पहिलो खेलमा अछामलाई १० विकेटले हराएको बैतडीले दोस्रोमा डोटीमाथि एक सय ५० रनको फराकिलो जित निकाल्दै समूह बी को विजेता बन्दै फाइनलमा पुगेको सुदूरपश्चिम प्रादेशिक क्रिकेट संघका अध्यक्ष वासुदेव जोशीले बताए । उपाधिका लागि बैतडीले अब समूह ए को विजेतासँग खेल्नेछ । 

जोशीका अनुसार बैतडीले दिएको एक सय ८७ रनको लक्ष्य पछ्याएको डोटी ११.२ ओभरमा ३६ रनमा समेटियो । जसमा अञ्जली खड्काले सर्वाधिक १५ रन बनाए पनि अन्य ब्याटरले भने दोहोरो अंकमा रन बनाउन सकेनन् ।