लमजुङ — लमजुङको बेंसीसहरमा भइरहेको ३२ औं त्रिवेणी कप फुटबल प्रतियोगितामा पहिलो पटक भाग लिएको एपीएफ क्लव र बुद्ध युवा क्लब (बीवाईसी) भोटेओडार फाइनलमा पुगेको छ । सहजी खेलमैदानमा शुक्रबार एपीएफले आयोजक त्रिवेणी युवा क्लबलाई २–१ ले हरायो । एपीएफले यसअघि नवलपुरमा सम्पन्न सातौं राइनो गोल्डकप उचालेको थियो ।

२७ र २८ औं त्रिवेणी कप जितेको आयोजकविरुद्ध एपीएफका कप्तान हरि कार्कीले खेलको २० औं मिनेटमा गोल गरेका थिए । त्रिवेणीका सुनील खड्काले दोस्रो हाफको २२ औं मिनेटमा गोल गर्दै खेल बराबरी गरे । ४३ औं मिनेटमा एपीएफका प्रदीप लामाले गरेको गोल निर्णायक बन्यो । प्रदीपको गोलसंख्या ६ पुगेको छ । उनी म्याद अफ द म्याच भए ।