गोरखा — प्रसिद्ध धार्मिकस्थल मनकामनादेखि गोरखकाली मन्दिरसम्म खुला (गोरखा) म्याराथन दौड प्रतियोगिताको उपाधि त्रिभुवन आर्मी क्लबका करन रावलले जितेका छन् । निर्धारित दूरी २ घण्टा ३६ मिनेर ७ सेकेण्डमा पार गर्दै बझाङ घर भएका रावलले उपाधि जितेका हुन् । पहिलो बनेका रावलले १ लाख ५० हजार नगद पुरस्कार पाएका छन् ।

त्यस्तै २ घण्टा ४० मिनेट ४४ सेकेण्डमा निर्धारित दूरी पार गर्दै त्रिभुवलन आर्मी क्लबका होमलाल श्रेष्ठ दोस्रो, २ घण्टा ४४ मिनेट ६ सेकेण्डमा निर्धारित दूरी पार गर्दै गजेन्द्र राई तेस्रो बनेका छन् । द्वितीय हुनेले १ लाख, तृतीय हुनेले ७५ हजार नगद पुरस्कार पाएका छन् । 

प्रतियोगितामा गोविन्द कार्की चौथो, गोपाल तामाङ पाँचौ, सुवास कार्की छैटौं, तीलक सुनुवार सातौं, राजनम्योयुङ्गा आठौं, कुलबहादुर बस्नेत नवौं र प्रताप थाम्सोहाङ दसौं भएका छन् । उनीहरु सबै त्रिभुवन आर्मी क्लबका हुन् ।