काठमाडौं — कांग्रेस सभापति गगन थापाले नेता गोपालमान श्रेष्ठलाई वरिष्ठ नेता बनाउने घोषणा गरेका छन् । बीपी स्मृति दिवसका अवसरमा बिहीबार आयोजना गरेको कार्यक्रममा सभापति थापाले आगामी केन्द्रीय कार्यसमिति बैठकले अनुमोदन गर्ने गरी श्रेष्ठलाई वरिष्ठ नेता बनाउने घोषणा गरिएको बताए । 

तत्कालीन कांग्रेस(प्रजातान्त्रिक)का कार्यबाहक सभापति समेत रहेका श्रेष्ठले पूर्वसभापति शेरबहादुर देउवा समूह छाडेर गत पुसमा सम्पन्न विशेष महाधिवेशनमा सहभागी भएका थिए । श्रेष्ठ हाल गम्भीर रोगसँग लडिरहेका छन् ।थापाले कार्यक्रमबाटै उनको स्वास्थ लाभको कामना गरे ।