चितवन — राष्ट्रिय स्वतन्त्र पार्टी (रास्वपा) को महाविधेशनको दोस्रो दिन बन्दसत्र सुरु हुन केही ढिलाइ भएको छ । साढे ८ बजेबाट बन्दसत्र सुरु हुने निर्धारण गरिए पनि साढे १० बजेसम्म सुरु हुन सकेको छैन । 

महाधिवेशन प्रतिनिधिहरु बन्दसत्रका लागि चितवन उद्योग संघको प्रदर्शनी केन्द्रमा भेला हुन थालिसकेका छन् । तर, भित्र कुर्सीहरु व्यवस्थापनको काम चलिरहेको छ । 

रास्वपा प्रवक्ता मनिष झाले व्यवस्थापकीय प्रक्रिया मिलाउँदा समय लागेको कान्तिपुरलाई बताए । उनले भने, ‘जुट्नलाई समय लागेको मात्र हो, ११ बजेदेखि सुरु हुन्छ ।’

बन्दसत्रमा रास्वपा सभापति रवि लामिछानेले राजनीतिक प्रतिवेदन पेश गर्ने कार्यतालिका छ  अन्य नेताहरूले पनि विभिन्न प्रतिवेदन र प्रस्ताव पेस गर्नेछन् । बन्दसत्रको सुरुवातमा अनुशासन आयोगतर्फबाट रमाकान्त रिमालले प्रतिवेदन प्रस्तुत गर्ने कार्यतालिका छ ।