काठमाडौँ — नेपाली कांग्रेसले पार्टीका तत्कालीन कार्यवाहक सभापति पूर्णबहादुर खड्कालाई सोधिएको सात दिनको स्पष्टीकरण फिर्ता लिने तयारी गरेको छ । 

कांग्रेस बिवादसम्वन्धी मुद्दामा अदालतले पूर्वसभापति शेरबहादुर देउवा र खडकाले दायर गरेको रिट खारेज गर्नुको साथै विशेष महाधिवेशनलाई मान्यता दिने फैसला भएसंगै स्पष्टीकरण फिर्ता लिन तयारी भएको हो । केन्द्रीय अनुसशान समितिको बैठक आजै अपरान्ह ३ बजे बोलाइएको छ । 

कांग्रेस महामन्त्री प्रदीप पौडेलले स्पष्टी फिर्ता हुने बताए । 'अब उक्त स्पष्टीकरको औचित्व समाप्त भएकोछ, त्यसलाई निस्क्रिय बनाइन्छ’ पौडेलले भने । अदालतको फैसला आउनुअगाडि खड्काले कार्यवाहक सभापतिको हैशियत प्रयोग गरेर पार्टीको 'लेडर हेड’ दुरुपयोग गरे समानान्तर गतिविधि चलाएको भन्दै बुधबार स्पष्टीकरण सोधिएको थियो । 

अदालतको फैसलापछि उनको कार्यवाहक सभापतिको हैशियत समाप्त भएको छ । आफ्नो सामाजिक सञ्जाल एकाउन्टमा पनि खड्काले पूर्वकार्यवाहक सभापति भनेर राखेका छन्।