उपाध्यक्ष पदका लागि आज मनोनयन दर्ता हुँदै छ भने भोलि निर्वाचन तोकिएको छ ।
काठमाडौँ — राष्ट्रिय सभाको उपाध्यक्षमा लीला भण्डारीलाई अगाडि बढाउने एमालेले निर्णय गरेको छ ।
उपाध्यक्ष पदका लागि आज मनोनयन दर्ता हुँदैछ भोलि निर्वाचन तोकिएको छ । विमला घिमिरेको कार्यकाल सकिएपछि यो पद रिक्त छ । राष्ट्रिय सभा नियामावली २०७५ को नियम ८ को उपनियम १ बमोजिम उपाध्यक्ष पदको निर्वाचन हुन लागेको हो ।
गत माघ ११ मा भएको निर्वाचनमा भण्डारी राष्ट्रिय सभा सदस्य निर्वाचित भएकी थिइन् । उनी २०६४ मा कैलालीबाट संविधानसभा निर्वाचन क्षेत्र नम्बर ६ बाट निर्वाचित थिइन् ।
२०७० मा साेही निर्वाचन क्षेत्रमा उम्मेदवार रहेकी उनी शेरबहादुर देउवासँग पराजित भएकी थिइन् । उनी त्यतिबेला माओवादीमा थिइन् । २०७४ मा भण्डारी एमालेमा प्रवेश गरेकी हुन् ।
