काठमाडौँ — प्रहरीले पूर्वप्रधानमन्त्री एवं एमाले अध्यक्ष केपी शर्मा ओली र पूर्वगृहमन्त्री रमेश लेखकको बयान मंगलबारदेखि थाल्ने तयारी गरेको छ । 

अदालतबाट ५ दिन हिरासतमा राख्ने अनुमति पाएको प्रहरीले अनुसन्धानका क्रममा ओली र लेखकको बयान लिने तयारी थालेको हो । 

काठमाडौं प्रहरी प्रमुख एसएसपी रमेश थापाका अनुसार, २३ र २४ भदौको जाँचबुझ आयोग प्रतिवेदनमा केन्द्रीत भएर थप प्रमाणसमेत जुटाउने प्रयास प्रहरीले गरिरहेको छ । 'प्रतिवेदनको कार्यान्वयनका लागि उहाँहरूलाई पक्राउ गरिएको हो र सोहीअनुसार बयान लिनेलगायतका काम सम्भवतः मंगलबारदेखि सुरू हुन्छ,' उनले कान्तिपुरसँग भने, 'त्यसका लागि अनुसन्धान अधिकृतहरूले तयारी गरिरहेका छन् ।' 

कतिपय प्रश्नहरू प्रमाणका आधारमा सोध्नुपर्ने भएकाले त्यसबारे तयारी गर्ने काम भइरहेको अनुसन्धानमा संलग्न अधिकृतहरू बताउँछन् । ओलीलाई स्वास्थ्य समस्याका कारण अहिले त्रिवि शिक्षण अस्पतालमा राखिएको छ । लेखक प्रहरीको महाराजगञ्जस्थित २ नम्बर गणमा छन् ।